ठमेलमा अमेरिकीले जिउमा तेजाव खन्याएर नेपाली घाइते बनाए

२२ चैत, काठमाडौं ।

ठमेलमा एक अमेरिकी नागरिकले जिउमा तेजाव खन्याइदिंदा नेपाली नागरीक घाइते भएका छन । सलेह अलि नाम गरेका अमेरिकीले जिउमा तेजाव खन्याइदिंदा सन्तोष भुजेल नाम गरेका युवा घाइते भएका हुन ।



ठमेलको अन्नुपुर्ण गेष्ट हाउसमा रिसेप्सनिष्टको काम गर्दै आएका भुजेललाई तेजाव खन्याइदिएका अमेरिकीलाई प्रहरीले पक्रेको छ । तेजावबाट घाइते प्रकाश भुजेलको शिक्षण अस्पताल महाराजगञ्जमा उपचार भइरहेको छ ।

तेजाव खन्याएका अमेरिकी नागरिकलाई नियन्त्रणमा लिएर घटनाबारे छानविन थालिएको सोह्रखुट्टे प्रहरी बृतले जानकारी दिएको छ ।