पूर्वमिस भेनेजुयला स्पियरको गोली हानी हत्या
भिडियो हेर्न तल क्लिक गर्नुहोस
|
भेनेजुयलाका पूर्वब्युटी क्विन २९ वर्षीया मोनिका स्पियर र उनका ३९ वर्षीय बेलायती पति थोमस बेर्रीलाई बुधबार भेनेजुयलामा तिनीहरू चढेकै कारमा गोली हानी हत्या गरिएको छ। उक्त आक्रमणमा घाइते हुन पुगेकी तिनका ५ वर्षीया छोरीको स्वास्थ अवस्था स्थिर रहेको अस्पताल सूत्रले जनाएको छ।
भ्यालेन्सियाबाट प्युयर्टो क्यावेल्लोतर्फ जाने राजमार्गमा भएको उक्त हत्याकाण्डबारे प्रहरीले छानविन शुरु गरिसकेको छ। सन् २००४ मा मिस भेनेजुयला बन्न सफल स्पियरले सोप ओपेराको भूमिका पनि निभाएकी थिइन्। प्रहरीले तिनीहरू असफल डकैती प्रयासको शिकार भएको अनुमान गरेको छ। भेनेजुयलाको प्रहरी अनुसन्धान प्रमुख जोस ग्रेगोरियो सिएर्राल्ताले भने– ‘अधिल्लो रात स्पियर र बेर्री मेरिडा शहरबाट राजधानी काराकासतर्फ जाँदै गर्दा तिनीहरूको कार बाटोमा राखिएको कुनै तिखो वस्तुसँग ठोक्किन पुग्यो। त्यसपछि कम्तीमा दुईवटा टायर पन्चर भए।’
तिनीहरूले मद्दतका लागि ४५ मिनेट प्रतीक्षा गरे। कार पन्छाइनै लाग्दा अचानक त्यहाँ आइपुगेका पाँच अज्ञात व्यक्तिले तिनीहरूलाई कार रोक्ने आदेश दिए। भागेर कारभित्र लक्न पुगेका तिनीहरूको गोली हानी हत्या गरियो। तिनीहरूकी छोरी मायाको खुट्टामा गोली लागेको छ। प्रारम्भिक प्रतिवेदनमा बेर्री आइरिस भएको बताइए तापनि तुरुन्तै बेलायती विदेश विभागले सानै उमेरमा भेनेजुयला पुगेका उनी बेलायती नागरिक भएको पुष्टि गरेको थियो।
स्पियरले सन् २००५ मा मिस युनिभर्सका लागि पनि प्रतिस्पर्धा गरेकी थिइन्।अमेरिकामा बसोबास गर्दै आएका तिनीहरू छट्टी मनाउन भेनेजुयला आएका थिए। भेनेजुयला विश्वकै सबैभन्दा बढी हत्या दर भएको राष्ट्र हो। त्यहाँ सशस्त्र लुटपाट र अपहरणका घटनाहरू समानय नै भए तापनि स्पियर हत्याकाण्डले राष्ट्रलाई निकै प्रभावित गरेको छ। राष्ट्रपति निकोलस मादुरोले भेनेजुलियन जनतामाथि निरन्तर आक्रमण गर्दै आएका अपराधीहरूलाई कुनै हालतमा नछाड्ने प्रतिबद्धता जनाएका छन्। source : synergyfm.com
भिडियो हेर्न तल क्लिक गर्नुहोस
|
0 comments
Write Down Your Responses