रेखालाई देखाउन छविले यसरी उतारे आर्यनलाई
नायिका रेखा थापासँग चलचित्र ‘काली’ चलाउने समयमा छविको सम्बन्ध राम्रो नै थियो । अब सिनेमा चलेपछि यि दुई के गर्दैछन् यो उनीहरुले नै जान्ने कुरा हो । तर रेखासँग सम्बन्ध विच्छेद गरेपछि छविराज प्रोडक्शन दर्ता गरेर छविले ‘लोफर’ नामक सिनेमा निर्माण गरेका छन् ।
चर्चा पाउन र रेखाको सेखी झार्न छविले यो चलचित्रमा नायक आर्यन सिग्देललाई अभिनय गराएका छन् । आर्यन र रेखा बिच चरम दुश्मनी रहेको छ । रेखा विना खासै सफल दिन नसकेका आर्यनका लागि ‘लोफर’ एउटा चुनौती पनि हो । अर्कोतिर रेखा विना सिनेमा नै चलाउन नसक्ने आरोप खेपेका छविका लागि ‘लोफर’ अग्निपरिक्षाको रुपमा खडा भएको छ ।
नव निर्देशक आदित्य विक्रम लम्सालको निर्देशनमा बनेको यो चलचित्रमा दयाहाङ राई, सुशिल पाण्डे, नव नायिका रजनी केसीको पनि मुख्य भूमिका छ । चलचित्रमा नायक आर्यन सिग्देललाई फरक गेटअपमा देख्न सकिन्छ । रेखा विनाको ‘लोफर’ छवि र आर्यनकै लागि चुनौती र अग्निपरिक्षाको रुपमा खडा भएको छ ।
मंसिर २१ गतेबाट प्रदर्शनमा आउन लागेको यो चलचित्रको व्यापारले छवि र आर्यनको करिअरका लागि नै ठूलो अर्थ राख्ने अड्कल काटिएको छ ।
0 comments
Write Down Your Responses