१४ साउन, मोरङ । मोरङको डाँगीहाटमा गएराति एक युवती सामूहिक बलात्कृत भएकी छिन् । मोरङकै केराबारी-९ की १९ वर्षकी युवतीलाई डाँगीहाट र बेलबारीका तीन जना ब्यक्तिले सामूहिक रुपमा बलात्कार गरेका हुन् ।

केराबारीबाट आइतबार बेलुका साँढे ६ बजेतिर डाँगीहाट-५ स्थित जंगल छेउको गुम्बामा ल्याएर सोही ठाउँका मिलन ओझा, माझी कान्छा र बेलबारी-२ का ३० वर्षका विजय मगरले सामूहिक बलात्कार गरेका हुन् । राति साँढे १० बजे बलात्कारमा संलग्न भएकै बेला ईलाका प्रहरी कार्यालय बेलाबारीका प्रहरी निरीक्षक नवराज कार्कीको गस्ती टोली त्यहा पुगेको थियो ।

जंगलभित्रबाट युवती रोईरहेको आवाज सुनेपछि प्रहरी टोली जंगलभित्र पसेको थियो । सो क्रममा प्रहरीलाई देख्ना साथ मिलन ओझा र माझी कान्छा भाग्न सफल भएका छन् भने विजय मगर र पीडित युवतीलाई रंगेहात प्रहरीले पक्राउ गरेको थियो ।

अभियुक्तहरुमाथि जवरजस्ती करणी अन्तर्गतको मुद्धा चलाइने कार्कीले बताउनुभयो ।

भिडियो सहित हेर्न तल क्लिक गर्नुस