साहरुखसँग १५ सय जिन्स, प्रियंका स्यान्डलको सौखिन, विद्यासँग ५ सय साडी

अरबौ सम्पत्तीका मालिक बलिउडका स्टारहरुका लागि हजार र लाख पर्ने कपडा देखि विभिन्न सामानहरु रोजेर प्रयोग गर्नु कुनै नौलो कुरा होइन । यसैले पनि उनीहरु एकपटक प्रयोग गरेको कपडा देखि चप्पल दोश्रो पटक प्रयोग गर्न रुचाउँदैनन् । बलिउडका सुपरस्टारहरु विभिन्न सामानहरुको सौखिन नै छन् । हामीले यहाँ बलिउडका केही स्टारहरुको रोजाई र सोखको चर्चा गर्दैछौ ।



१. साहरुख खान : विश्वमै सेलिब्रेटिहरुको धनीको सूचिमा बलिउड बादशाह साहरुख खान सबैभन्दा अघि आउँछन् । उनीसँग ६ सय मिलियन डलर सम्पत्ती रहेको बताइन्छ । विश्वमा मात्र उनको ७ वटा देशमा आलिसान महल छन् । साहरुखको मुम्बई स्थित घर भारतकै महंगो घरको तेश्रो स्थानमा आउँछ । यसैले पनि उनका लागि सौख र चाहना कुनै नौलो कुरा होइन । साहरुख विभिन्न कार्यक्रममा जिन्स र टिसर्ट लगाउन रुचाउँछन् । यसैले उनको साथमा १५ सय जिन्स जोडी रहेको बताइन्छ । क्याजुअल पहिरन लगाउन मनपराउने साहरुख एकपटक लगाएको जिन्स दोश्रो पटक लगाउँदैनन् । यस्तै उनी चश्माको पनि सौखिन हुन् । उनी एउटा कोठाको चश्मा अर्को कोठामा लैजान रुचाउँदैनन् । यसैले साहरुखको घरमा फरक फरक कोठामा विभिन्न प्रकारका चश्मा छन् । साहरुख जुन कोठामा प्रवेश गर्छन्, त्यहाँ राखिको चश्मा लगाउँछन् र बाहिर निस्कदा त्यही छोडछन् । यतिसम्मकी उनको किचन, बगैचा, गाडी मा पनि चश्मा राखिएको छ ।

२. सैफअलि खान : यस्तै अर्का चर्चित अभिनेता सैफ अली खान घडी फेर्न रुचाउँछन् । उनको साथमा घडीको संग्रह नै रहेको बताइन्छ । सैफलाई पहिलो पटक घडी उनका पिताले दिएका थिए । फिल्म क्षेत्रमा आउनु अघि खासै महंगो घडी नलगाउने सैफले बलिउड प्रबेश गरेसँगै महंगा घडी जम्मा गर्न थालेका हुन् । उनी आफ्नो भूमिका सुहाउँदो घडी लगाउँछन् । सैफ घरमा बस्दा ३ वटा सम्म घडी फेर्ने गरेको बताउँछन् ।

३. अमिषा पट्टेल : बलिउड नायिक अमिषा पट्टेल ब्याग र चश्माको क्रेजी हुन् । उनीसँग बजारमा उपलब्ध अधिकांश महंगा ब्याग भएको बताइन्छ । यस्तै अमिषासँग १२५ जोडी चश्मा रहेको छ । यसैले उनी हरेक कार्यक्रममा फरक फरक चश्मा लगाएर पुग्ने गर्छिन् ।

४. वीपशा वासु : बलिउडकी अर्की सेक्सी नायिका विपशा वासु पनि घडीको सौखिन हुन् । उनको साथमा पनि महंगा घडीको कलेक्शन नै रहेको बताइन्छ । यस्तै विपशा लिबिस्टिकको पनि सौखिन हुन् । उनी आफ्नो पहिरन अनुसारको लिबिष्टिक र घडी लगाउने गर्छिन् ।

५. प्रियंका चोपडा : नायिका प्रियंका चोपडा स्यान्डलको क्रेजी हुन् । उनको साथमा ८० भन्दा धेरै जोडी स्यान्डल रहेको बताइन्छ । प्रियंका एकपटक लगाएको जुत्ता या चप्पल पुन अर्को पटक लगाउन रुचाउँदिनन् । उनी विश्वकै महंगा र ब्रान्डेड जुत्ता लगाउछिन् । यस्तै प्रियंका छालाको ज्याकेटको पनि क्रेजी छिन् ।

६. विद्या बालन : साडीलाई बलिउडको ट्रेन नै बनाउने नायिका विद्या बालनसँग ५ सय भन्दा धेरै यसको कलेक्शन छ । उनी एकपटक लगाएको साडी अर्कोपटक लगाउन रुचाउँदिनन् । यसैले विद्यालाई हरेक कार्यक्रममा फरक फरक साडीमा देख्न सकिन्छ ।