इराक, साउन ७– इराकको बग्दादमा शनिवार साँझ शृखंलाबद्ध बम आक्रमण हुदा ६५ नागरिकको मृत्यु भएको छ । मुस्लिम समुदायको रमाजान पर्व चलिरहेको समयमा अज्ञात समुहद्धारा भएको उक्त बम विष्फोटनवाट अन्य १९० जना घाइने भएको स्थानिय सञ्चारमाध्यमहरुले जनाएका छन् ।

यसैगरी इराकको दक्षिणी भागमा पर्ने मदाइनमा पनि बम विस्फोटन गराइएको बताइएको छ । बग्दाद शहरमा मात्रै १२ वटा कारबम र एउटा सडक किनार रहेको बम विस्फोटन गराइएको विदेशी समाचार एजेन्सीहरुले जनाएका छन् । यि सबै आक्रमणको जिम्मा कुनै पनि समुहले नलिएको पनि बताइएको छ ।

विगत लामो समयदेखि इराकमा सुन्नी र सिया मुसलमानका वीच आपसमा आक्रमण र हत्याका शृङ्खलाहरु जारी नै रहेका । यो महिना शुरु देखि हालसम्म मात्र इराक  मा ५२० जनाको बम विस्फोटनवाट मृत्यु भएको जनाइएको छ ।

 भिडियो सहित  हेर्न तल बक्स मा क्लिक गर्नुस