सवारी दुर्घटनामा एकको मृत्यु, १८ जना घाइते
भिडियो हेर्न तल क्लिक गर्नुहोस
|
परासी, चैत ३० - पूर्व पश्चिम राजमार्गअन्तर्गत नवलपरासीको मुकुन्दपुरमा आज बिहान भएको सवारी दुर्घटनामा परी एकजनाको मृत्यु भएको छ भने १८ जना घाइते भएका छन् । घाइतेमध्ये तीन जनाको अवस्था गम्भीर छ ।
पूर्वबाट पश्चिमतर्फ आउँदै गरेको ना४ख ४६३५ नम्बरको ट्रक र सोही दिशाबाट आउँदै गरेको ना३ख ७५५१ नम्बरको बस एकआपसमा ठक्कर खाँदा सो दुर्घटना भएको हो।
दुर्घटनामा परी बसमा सवार जिल्ला हुम्ला सिमीकोट- ६ का २१ वर्षीय देवजङ रावतको उपचारको क्रममा भरतपुर अस्पतालमा मृत्यु भएको गैँडाकोट प्रहरीले जनाएको छ ।
घटनामा परी दुई जना गम्भीर घाइते भएका छन्। सबै घाइतेको मेडिकल कलेज चितवनमा उपचार भइरहेको प्रहरीले जनाएको छ। रासस
भिडियो हेर्न तल क्लिक गर्नुहोस
|
0 comments
Write Down Your Responses