भिडियो हेर्न तल क्लिक गर्नुहोस

२३ पुस, काठमाण्डौ । पछिल्लो एक महिनायता केही बलियो देखिएको नेपाली रुपैयाँ फेरि ओरालो लागेको छ । एक महिनादेखि सय रुपैयाँ तल रहेको अमेरिकी डलरको दर फेरि एक सय पुगेको छ ।



नेपाल राष्ट्र बैंकले मंगलबारका लागि बिक्रि दर एक सय रुपैयाँ तय गरेको छ । बाणिज्य बैंकहरुले योभन्दा केही महंगोमा कारोबार गर्छन् । अंग्रेजी नयाँ बर्षको सुरुवातसँगै भारतीय रुपैयाँ डलरसँग कमजोर भएपछि त्यसको असर नेपाली रुपैयाँमा पनि देखिन थालेको हो । पछिल्ला दुई दिनमा भारतीय पूँजी बजार ओरालो लागेको छ । जसले गर्दा बिदेशी संस्थागत लगानीकर्ताहरुले भारतीय पूँजीबजारबाट लगानी झिकिरहेका छन् ।

आयातमा आधारित अर्थतन्त्र भएकाले पनि डलरको भाउ महंगो हुँदा नेपाललाई घाटा लाग्छ । केही निर्यातजन्य उद्योग र पर्यटन उद्योगमा भने यसले सकारात्मक असर पार्छ ।

0 comments

Write Down Your Responses