हिरोइनको होइन अब निर्माताको कथा पर्दामा
नेपाली चलचित्र बजारमा नायिकाहरुको कथालाई उठान गरेर केही सिनेमा बनिसकेका छन् । विशेषगरी एउटा यूवती कसरी नायिका बन्छे भन्ने भित्री कथालाई केही चलचित्रले देखाइसकेका छन् । तर अब हिरोइनको होइन निर्माताको पिडा पर्दामा देखिनेछ ।
माघ १६ गतेबाट प्रदर्शनमा आउने भनिएको चलचित्र ‘प्रोड्यूसर’ले केही कलाकारहरुको भविष्य बनाउने छ ।
चलचित्रको पर्दामा फाट्टफुट्ट देखिने कलाकार श्याम अर्याल यो सिनेमाबाट नायकको रुपमा आउँदैछन् । उनले यो चलचित्रले आफ्नो सिने करिअरलाई उकालो लगाउने आशा व्यक्त गरेका छन् ।
यस्तै यही चलचित्रबाट निर्देशक बनेका जनकदिप पराजुली पनि म्यूजिक भिडियोलाई टाढै राख्ने सोचमा छन् । म्यूजिक भिडियो निर्देशनमा चर्चा कमाएका उनले ‘प्रोड्यूसर’ चलेको खण्डमा पक्कै पनि नयाँ सोचको थालनी चलचित्रमा गर्नेछन् ।
नायक बाबु बोगटीका लागि पनि यो चलचित्र विशेष छ । विवाहित बाबुको यदि यो सिनेमा नचलेको खण्डमा उनको करिअरलाई पनि धक्का लाग्ने देखिन्छ । उसो त उनको यसपश्चात केही सिनेमा प्रदर्शनको तयारीमा पनि छन् ।
ज्योतीकुमार राई र राजकुमार राईले निर्माण गरेको यो सिनेमामा विल्सन विक्रम राई, श्याम राई, स्वेता भट्टराई, पायल रायमाझीको पनि अभियन छ । पायल नेपाली सिनेमाका लागि नयाँ अनुहार हुन् । चलचित्र क्षेत्र भित्रको कथालाई उठान गरेको ‘प्रोड्यूसर’ले धेरैको भविष्यलाई उथलपुथल बनाउनेछ ।
0 comments
Write Down Your Responses