National News » प्रचण्डलाई रोक्न पूर्व पश्चिम राजमार्गमा रुख ढालेर बाटो अवरुद्ध

भिडियो हेर्न तल क्लिक गर्नुहोस

२२ कात्तिक, रौतहट । मेची-महाकाली जनजागरण अभियानमा रहनुभएका एकिकृत माओवादी अध्यक्ष पुष्पकमल दाहाल प्रचण्डलाई अवरोध गर्न वैद्य माओवादी कार्यकर्ताले पूर्व पश्चिम राजमार्गको चन्द्रनिगाहपुर लमहा सडकखण्डमा रुख ढालेर बाटो अवरुद्ध गरेका छन् ।



शुक्रबार दिउँसो रौतहटको चन्द्रनिगहापुरमा हुने चुनावी सभालाई सम्वोधन गर्न आउन लाग्नुभएका अध्यक्ष प्रचण्डलाई रोक्न वैद्य माओवादीका कार्यकर्ताले सडकका विभिन्न स्थानमा रुख ढालेका हुन् । वैद्य माओवादीका कार्यकर्ताले गरेको अवरोधलाई प्रहरीले विहानै देखि खटेर हटाइसकेको जनाएको छ ।

Prachandali-Abarodhसडकमा गरिएको अवरोध हटाउने क्रममा प्रहरीले पूर्व–पश्चिम सडकको चन्द्रनिगाहापुर नजिकै फेला पारेको बम नेपाली सेनाको बम डिस्पोजल टोलीले निष्कृय पारेको छ । डिस्पोजका क्रममा ठूलो आवाज आएको स्थानीबासीले बताए । नेपाली सेनाले पनि सो शंकास्पद बस्तु सामान्य बम भएको जनाएको छ । अमरदल गुल्मका मेजर सरोज अधिकारीले फेला परेको सामन्य खालको विष्फोटक पदार्थलाई डिस्पोज गरी सकिएको जानकारी दिनुभयो ।

यसैबीच प्रचण्डसहितका नेता खाना खान जाने बाटोमा रहेको नेकपा एमालेको पार्टी कार्यलयको छेउमै एमाओवादीले ब्यानर टाँसेपछि एमाले र एमाओवादीका कार्यकर्ताबीच विबाद भएको थियो । समयमै प्रहरी टोली सो स्थानमा पुगेकाले अप्रिय घटना नभएको प्रहरीले जनाएको छ ।

प्रचण्ड चन्द्रनिगाहपुर आउने भएपछि प्रहरीले सुरक्षा व्यवस्था कडा पारेको छ । इलाका प्रहरी कार्यालय चन्द्रनिगाहापुरले जनपथ र सशस्त्र प्रहरी खटाएर सुरक्षाव्यवस्था कडा पारेको हो । एमाओवादी अध्यक्ष प्रचण्डले शुक्रबार दिउँसो ३ बजे चन्द्रनिगाहापुरमा हुने चुनावी सभालाई सम्वोधन गरेर पर्साको वीरगञ्ज पुग्ने कार्यक्रम छ ।

0 comments

Write Down Your Responses