Amazing News » दुई हजार जोडीको बिबाह, साथमा बेहुली हैन, हातमा तरबार (फोटो फिचरसहित)

भिडियो हेर्न तल क्लिक गर्नुहोस

यमनको राजधानी सानामा बुधबार दिउँसो करिव दुई हजार बेहुलाहरु एकै ठाउँमा भेला भए । बिबाह उत्सव मनाउन भेला भएका उनीहरुका साथमा बेहुली थिएनन, केवल थियो त हातमा तरवार । परम्परागत पोशाकामा सजिएका लक्का जवान युवाहरुको समूहले हातमा सुनौला तरवार बोकेका थिए ।



यो अनौठो जमघट हेर्न गिनिज बुक अफ वल्र्ड रेकर्डका अधिकारीहरु पनि उपस्थित थिए । सामूहिक बिबाह समारोहको आयोजना गिनिज बुकमा रेकर्ड राख्ने उदेश्यले भने आयोजना गरिएको थिएन् ।

यमनमा बिबाह निकै खर्चिलो हुन्छ । जसले गर्दा गरिव जोडीहरु बिबाह गर्न सक्ने अबस्थामा हुन्नन् । यही ब्यथा बुझेर कतारका पूर्व राजकुमारले स्थापना गरेको एउटा परोपकारी संस्थाले यमनका दुई हजार जोडीका लागि सामूहिक बिबाह कार्यक्रम आयोजना गरेको हो । कट्टर मुस्लिम धर्म मान्ने भएका कारण बेहुलीहरुलाई सामूहिक बिबाहमा उपस्थीत गराइएको थिएन् ।



बेलायती संचारमाध्यम डेलीमेलका अनुसार उनीहरुका बेहुलीको बेग्लै समारोह सोही समयमा अर्को ठाउँमा आयोजना गरिएको थियो । बेग्लाबेग्लै उत्सव समाप्तिपछि अबेर साँझ उनीहरुको मिलन हुने छ ।

‘अहिलेसम्म यमनमा यस्ता धेरै सामूहिका बिबाह उत्सव भएका छन तर यो नै अहिलेसम्मको ठूलो बिबाह उत्सव हो’ कार्यक्रम आयोजक अर्फन पाउण्डेसनका जनसम्पर्क अधिकृतले यमन टाइम्ससँग भने ।

0 comments

Write Down Your Responses