Entertainment » ‘बाउन्सर’सँग नबिकेपनि, जवानी नछोपेरै विकिन् सुष्मा

भिडियो हेर्न तल क्लिक गर्नुहोस

यो बर्ष प्रदर्शनमा आएका अधिकांश सिनेमाले खासै चमत्कारिक व्यापार नगरेपनि केही सिनेमाले भने निर्मातालाई सन्तोष दिइरहेका छन् ।



भदौ १४ गते प्रदर्शनमा आएको ‘होस्टेल’को चमत्कारिक व्यापार पछि रेखा थापाको ‘काली’ले पनि सफलता पायो । काली र होस्टेलको व्यापारले निर्मातालाई मात्र होइन सिने नगरीलाई नै सन्तोषको सास फेराइदिएको छ ।

यसैबिच तिहारको समयमा प्रदर्शनमा आएको एक मात्र चलचित्र ‘विन्दास २’ को व्यापारले पनि खुशी दिएको छ । उसो त ‘विन्दास २’का निर्माता पहिलो हप्ताको व्यापारले नै सुरक्षित छैनन् । तर सिंगल थिएटरका दर्शकले सिनेमालाई रुचाएकाले पनि दोश्रो सातामा निर्माताको लगानी रिकोभर हुने देखिएको छ । दशैको भन्दा तिहारमा गतिलो व्यापार नभएपनि निराश हुनु पर्ने अवस्था नभएको वितरकहरुको भनाई छ ।

नायिका सुष्मा कार्की, जीवन लुइटेलको मुख्य भूमिका रहेको राजु गिरी निर्देशित चलचित्र ‘विन्दास २’ ले लगानी रिकोभर गर्ने पक्का जस्तै छ । यही बर्ष मात्र चलचित्र ‘बाउन्सर’बाट गतिलो सफलता नपाएकी सेक्सी गर्ल सुष्मा ‘विन्दास २’ बाट चम्केकी छिन् ।

विन्दासले सफलता पाएपछि मधुकुमार श्रेष्ठले गरेको सिक्वेल लगानी सुरक्षित देखिएको हो । चलचित्रले बुधबारसम्म ४६ लाख माथिको व्यापार गरेको दाबी निर्माणपक्षको छ । होस्टेल, काली, विन्दास २ लगायतका सिनेमाको निरन्तर सफल व्यापारले आउँदो दिनलाई उज्यालो बनाइदिएका छन् । संविधान सभाको निर्वाचन पश्चात क्रमिक रुपमा प्रदर्शनमा आउने सिनेमाले पनि गतिलो व्यापार गर्ने आशा गरिएको छ ।

0 comments

Write Down Your Responses