Entertainment » कलाकारको तिहार : ‘रेखालाई रोटीको बासना, भूवनलाई चुनावकै रन्को’

भिडियो हेर्न तल क्लिक गर्नुहोस

नेपालीहरुको दोश्रो महानपर्व शुभदिपावली अर्थात तिहार घर आँगनमा भित्रिसकेको छ । यसैले पनि सबै नेपालीहरु तिहार मनाउनका लागि व्यस्त भैरहेका छन् । यही क्रममा नेपाली सिनेमाका कलाकारहरु पनि तिहारलाई धुमधामसँग मनाउने तयारीमा छन् ।



नायक भूवन केसीलाई तिहारमा बैनीको हातबाट टिका लगाउन निक्कै मनपर्छ । ४ दाजुभाइको एक मात्र बैनी भएकाले पनि भूवन टिका लगाउन जहाँ भएपनि आइपुग्छन् । तर पनि यसबर्ष मंसिर ४ को संविधान सभाको चुनावमा नेकपा एमालेको तर्फबाट समानुपातिकको उम्मेदवार भएकाले भूवन भोट माग्नमै व्यस्त छन् । उनलाई केटाकेटी समयमा तिहारमा भैलो खेलेको खुबै याद आउँदो रहेछ । नेपाली सिनेमाका सबै कलाकार मिलाएर एक पटक भैलो खेल्न जाने ईच्छा उनको छ ।

नायिका रेखा थापा तिहार भन्ने बित्तिकै भुतुक्कै हुन्छिन् । तिहारमा पकाइने सेलको बासनाले रेखालाई मोहित बनाउँछ । यसमा पनि झिलिमिली बत्ती, लक्ष्मीपूजा गर्दाको क्षण रेखाको लागि विशेष हो । उनले १६ बर्षको उमेरसम्म देउसी भैलो खेले पनि सिनेमा नगरीमा आएसँगै छोडेकी हुन् ।

नायिका निशा अधिकारी त तिहार मनाउन लमजुङ पुगेकी छिन् । आफ्नो गृहजिल्ला लमजुङमा परिवारसँग तिहार मनाउन पाउँदा निक्कै खुशी लागेको उनले बताइन् । विदेशमा रहनुभएको दाई नेपाल आउनुभएकाले पनि निशालाई यसबर्षको तिहार विशेष लागेको छ । तिहारमा पाइने साना साना खुशी उनको लागि विशेष छ । लक्ष्मीपुजाको दिनमा लक्ष्मीको पाइला बनाएको उनलाई खुबै मनपर्छ । उनलाई देउसी भैलो खेलेको मन परेतापनि आफैले भने खेल्ने छोडेकी छिन् । उनले ११ बर्षको उमेरबाट देउसी भैलो नखेलेको बताइन् । तिहारमा जनावर र प्रकृतिलाई गर्ने सम्मान निशालाई खुबै मनपर्छ ।

नायक जीवन लुइटेल दशैको साटो तिहार मनाउने तयारीमा लागेका छन् । दशैमा एक चलचित्रको छायांकनका क्रममा थाइल्याण्डमा रहेका जीवन यसबर्षको तिहार मनाउन बिराटनगर पुगेका छन् । विराटनगरमा दिदी बैनीसँग तिहार मनाउने तयारीमा उनी लागेका छन् । ‘तिहारको समयमा लक्ष्मीपुजा गरेको, परिवारसँग रमाइलो गर्दै झिलिमिली बत्तीमा रमाउनुको मज्जा नै अर्को छ’, जीवनले भने । सेलरोटी खाँदै तिहार मनाउन उनी विराटनगरमा छन् ।

नायिका करिश्मा मानन्धर भने तिहार साथीभाइसँग मनाउँदै छिन् । साथीभाई जम्मा भएर रमाइलो गर्ने, घरभरी फूलहरु सजाउने, बत्ती बाल्ने, तिहारको योजना सुनाउँदै उनले भनिन् ।



कलाकार शुभेच्छा थापालाई पनि तिहार लागेको छ । तर यसबर्ष तिहार मनाउन नहुने भएकाले पनि उनी परिवारसँगै नेपालको रमाइलो स्थानमा पुगेर तिहार मनाइरहेकी छिन् । तर पनि भाइटिकाको दिन भाइलाई टिका लगाइदिन उनलाई खुबै मनपर्छ । लक्ष्मीपुजामा दियो बालेर रमाइलो गर्ने तयारीमा छिन् उनी । ‘पहिले पहिले त देउसी भैलो खेलिन्थ्यो तर अहिले खासै खेलिदैन’ उनले भनिन् ।

नायिका निता ढुंगानाको भने यो बर्षको तिहार खल्लो छ । किनभने यो बर्षमात्र उनको आमाको निधन भएकाले पनि निता खासै रमाइलो गर्ने सोचमा छैनन् । नायिका वेनिशा हमाल तिहार मनाउन गृहजिल्ला चितवन पुगिसकेकी छिन् । उनले यो बर्ष ५ जनालाई टिका लगाउने बताइन् । ‘३ जना दाई र २ जना भाइलाई टिका लगाउदै छु’, बेनिशाले भनिन् । उनको घरमा सेल पाकिसकेको छ । यता नायिका अनु शाहले पन धिुमधामका साथ तिहार मनाउन लागेको बताइन् । घरमै परिवारसाग सेल पकाउने, झिलिमिली बत्ती बाल्ने, लक्ष्मीपूजा गर्ने योजना उनको छ ।

अधिकांश नेपाली सिनेमाका कलाकारहरु तिहार रमझमका साथ मनाउने तयारीमा लागेका छन् । सबै नेपाली कलाकार, सिनेमाका दर्शकलाई हाम्रो तर्फबाट पनि तिहारको शुभकामना ।

0 comments

Write Down Your Responses