Entertainment » राजेश हमालले भने, ‘कसैलाई दुई तिहाई नदिनुहोस्, बैद्य पक्षलाई नल्याउनु दुखद’

भिडियो हेर्न तल क्लिक गर्नुहोस

संविधान सभाको चुनाव नजिकिदै जाँदा नेपाली सिनेमाका कलाकारहरुले पनि यसप्रति चासो देखाइरहेका छन् । कोही खुलेरै पार्टीमा लागेका छन् भने कसैले भित्री समर्थन मात्र गरिरहेका छन् ।



यसैबिच नेपाली सिनेमाका चर्चित नायक राजेश हमालले चुनाव हुन ३ दिन मात्र बाँकी रहदा आफ्नो धारणा स्पष्ट रुपमा अघि सारेका छन् । काठमाण्डौमा आयोजना भएको एक कार्यक्रममा हमालले संविधान सभाको चुनावमा कसैलाई पनि २ तिहाई बहुत नदिन आग्रह गरेका छन् ।

हमालले भने, ‘सबैले दुई तिहाई बहुमत आफ्नो पार्टीलाई दिए मात्र संविधान बन्ने दाबी गरिरहेका छन् । तर संविधान सभामा दुई तिहाई बहुमत कसैलाई दिनुभन्दा पनि राम्रो र सक्षम व्यक्तिलाई चुन्नु पर्दछ । अनि मात्र समावेशी र सहमतिको संविधान बन्छ ।’

हमालले असन्तुष्ट पक्षलाई बाहिर राखेर चुनाव हुनुलाई दुखद भनेका छन् । ‘एउटा पक्ष चुनावको विपक्षमा देखिएको छ । यो राम्रो होइन । यस्तो प्रक्रियाले लोकतान्त्रिक मुलुकको प्रतिनिधित्व गर्दैन’ हमालले भने । तर पनि मुलुकलाई अगाडी बढाउन जस्तो हालतमा पनि चुनाव गराउनै पर्ने हमालको तर्क छ । तर पहिलो संविधान सभाको चुनाव जस्तै यो हर्षोल्लासको रुपमा नहुने उनको भनाई छ ।

हमालले पहिलो संविधान सभाको चुनावमा समावेशी प्रतिनिधित्व भएको भन्दै संविधान सभा विघटन हुनु नै गलत भएको बताए । उनले गल्ती कसले गर्‍यो भन्ने तर्फ नलागी चुनाव सफल बनाउन र मत हाल्न सबै जनतालाई आग्रह गरेका छन् ।

अहिले चुनावमा उत्रन लागेका अधिकांश पार्टी असफल भएको किटान गर्दै उनले सक्षम व्यक्तिलाई भोट हाल्न सबैलाई आग्रह गरेका छन् । हमालले आफूले पनि संविधान सभाको चुनावमा मतदान गर्ने जनाए । अधिकांश कलाकारहरु चुनाव नजिकिदै जादा एउटा न एउटा पार्टीको झण्डा मूनि लागेपनि हमाल भने आजसम्म कतै देखिएका छैनन् ।

0 comments

Write Down Your Responses