लक्ष्मीको जवानी हेर्न डान्सबारमा पुगे जीवन र शर्मिला(फोटो र भिडियोसहित)

सिनेमाको पर्दामा खासै नदेखिएकी कलाकार शर्मिला मल्ल काठमाण्डौको दरबारमार्ग स्थित एक डान्सबारमा नायक जीवन लुइटेलसँग देखिइन् । उनको मेकअप र कपाल हेर्दा लाग्थ्यो, उनी धेरै फेरिएकी छिन् । छिप्पिदो उमेरमा पनि शर्मिलाको यो रुपलाई धेरैले अचम्म मानेर हेरे ।प्रसंग हो आर बी के ‘शरद’को निर्देशनमा तयार भएको चलचित्र ‘शीशा’को एक आइटम गीतको ।



‘शीशा’को शीर्ष गीतमा मोडल लक्ष्मी बस्नेतको आइटम नृत्य हेर्नका लागि जीवन र शर्मिला डान्सबार पुगेका हुन् ।आधा प्रतिशत छायांकन सिक्किममा गरेर काठमाण्डौ फर्किएको ‘शीशा’ यूनिटले आइटम गीतको छायांकन सकेको हो । छायांकनको क्रममा मोडल लक्ष्मी बस्नेतले आफूलाई बोल्ड महशुश गरेकी थिइन् । निर्माणपक्षले यो चलचित्रलाई भल्गर नभई सामान्य भएको बताएको छ । चलचित्रमा चर्चित फुटबलर भाइचुङ भूटिया, उमा बेबी, रागिनी खड्गी लगायतका कलाकारको अभिनय छ ।



नायिका शर्मिला मल्लले आफूले यो गीतमा सबै बिषयमा ख्याल गरेर मात्र अभिनय गरेको बताइन् । नायक जीवन लुइटेलले चलचित्र ‘शीशा’ आफ्नो लागि पनि बिशेष रहेको यसबाट धेरै आशा गरेको प्रतिक्रिया दिएका छन् ।


तस्बिर तथा भिडियो : सुमित शाक्य onlinekhabar