१२ साउन, बर्दिया । बर्दियामा चट्याङ लागेर एकै परिवारका ६ जना घाईते भएका छन् । वर्षा भईरहेका बेला घर नजिकैको रुखमा चट्याङ पर्दा बर्दिया बगनाहा ३ को सुकुम्वासी बस्तिमा एक बालक सहित एकै परीवारका ६ जना घाईते भएका हुन् ।

शुक्रबार वेलुका घरभित्र खाना खाईरहेका बेला घर नजिकैको रुखमा चट्याङ पर्दा रुखको हाँगाले घरको छाना फोडेर घर भित्र छिरेपछी बगनाहा ३ मिर्चैयाको सुकुम्वासी बस्तिमा ४ महिनाको बच्चा सहित ६ जना घाईते भएका हुन् । घाईते हुनेहरुमा ४ महिनाको बच्चा, आमा सिमा थारु, फिर बहादुर थारु, लग्नी थारु, कमारी थारु र युना थारु रहेको स्थानिय कलीराम थारुले जानकारी दिनुभयो । ४ जनाको अवस्था सामान्य छ । बच्चाको आमा सिमा र बच्चालाई बढी चोट लागेको छ ।

घाईतै सबैको भुरीगाँउमा उपचार भईरहेको छ । रुखको हाँगा भाँचिएर घरमा खस्दा घरको छाना समेत भाँचिएर क्षती पुगेको छ ।