दादागिरि तथा गुण्डागर्दी गरेर खाने दिन सकिए : गृहमन्त्री

पर्यटन क्षेत्रलाई बन्मुक्त बनाउने व्यवसायीको ऐक्यबद्धता

१० बैशाख, काठमाडौं । गृहमन्त्री माधवप्रसाद घिमिरेले पर्यटन क्षेत्रमा अवरोध सिर्जना गरी दादागिरि देखाउनेहरुलाई तह लगाउने बताउनुभएको छ । गन्तव्य नेपाल र साइडवाकर्सद्धारा शनिबार राजधानीमा आयोजित ‘बन्दमुक्त पर्यटन, हामी सबैको एउटै संकल्प’ विषायक अन्र्तक्रिया कार्यक्रममा बोल्दै उहाँले दादागिरि र गुण्डागर्दी गरेर खानेहरुका दिन गएको ठोकुवा गर्नुभयो ।



‘मुलुकै अर्थतन्त्रका लागि बन्द हड्तालजस्ता गतिविधिहरु मूख्य समस्याका रुपमा रहँदै आएको छ’ परराष्ट्र मन्त्रीसमेत रहनुभएका घिमिरेले भन्नुभयो- ‘बर्तमान सरकार बन्द, हड्ताल, गुण्डागर्दीजस्ता गतिविधिहरु रोकेर मुलुकमा शान्ति ल्याउन प्रतिबद्ध छ ।’

कार्यक्रम आयोजकले पर्यटन क्षेत्रमा बन्द हड्ताल जस्ता गतिविधिहरु नगर्ने शंकल्प प्रस्ताव पेश गरिएको थियो । संकल्प प्रस्तावमा सरकारसहित पर्यटन क्षेत्रमा कार्यरत सबै संघ-संस्थाहरुले ऐक्यवद्धता जनाएका छन् । ‘शंकल्प प्रस्तावमा सरकारले ऐक्यवद्धता जनाउँछ’ घिमिरले भन्नुभयो- ‘शंकल्प प्रस्तावमा ऐक्यवद्धता जनाएरमात्र हुँदैन्, सबै व्यवसायी तथा संघ-संस्थाले पूर्ण रुपमा पालना गर्नुस ।’

सेवा गुणस्तरीय बनाउनुहोस

अन्य देशहरुको तुलनामा नेपालको पर्यटन क्षेत्र सुरक्षित रहेको बताउँदै मन्त्री घिमिरेले गुणस्तरीय सेवा प्रदान गर्न व्यवसयीहरुलाई आग्रह गर्नुभयो । पर्यटन क्षेत्रमा देखिएका नीतिगत समस्याहरु समधान गरेर सहज व्यवस्था गर्न सरकार प्रतिबद्ध रहेको उहाँले बताउनुभयो । सिन्डिकेटले पनि पर्यटन व्यवसायलाई मार पारिरहेको उहाँको भनाई थियो । नेपालको टुरिजम प्याकेज अन्य देशको तुलनामा भन्दा महंगो भएको भन्दै उहाँले शुलभ प्याकेज बनाउने व्यवसायीहरुलाई आग्रह गर्नुभयो ।

पर्यटन तथा नागरिक उड्यायन मन्त्रालयका सचिव सुशिल घिमिरेले व्यवसायीहरुको बीचमा बन्द हड्ताल नगर्ने विषयमा मत-ऐक्यता नदेखिएको भन्दै गुनासो गर्नुभयो । उहाँले ३०/४० वर्ष पुरानो ऐन संसोधन गर्ने जानकारी दिँदै अन्य हिमालहरु पनि पर्यटन विकासका लागि खोल्दै जाने प्रतिवद्धता जनाउनुभयो । अहिले नेपालका सबै हिमालहरु आरोहणका लागि खुल्ला गरिएको छैन् ।

पर्यटनलाई राजनीतिमूक्त बनाऔं

नेपाल पर्यटन बोर्डका निमिक्त कार्यकारी प्रमुख शुवास निरौलाले पर्यटन क्षेत्रलाई बन्दमूक्त भन्दा पनि राजनीतिमूक्त गर्नुपर्ने आवश्यकता रहेको बताउनुभयो ।

कार्यक्रममा पर्यटन क्षेत्रको विकासमा सहयोग गर्दै आएका विभिन्न व्यक्तित्वहरुलाई सम्मान गरिएको थियो । कार्यक्रमका संचालन प्रकाश खालिङले गर्नुभएको थियो ।