महोत्तरीमा पटका बमका कारण एकजनाले दुबै हात गुमाए
भिडियो हेर्न तल क्लिक गर्नुहोस
|
गौसाला, कात्तिक १९, महोत्तरी जिल्लामा दीपावलीको अवसरमा पटका पड्काउँदा एक जना व्यक्तिको दुबै हात गुमाउनु परेको छ । जिल्लाको बनौली गाविसमा एक जनाको दुवै हात कामै नलाग्ने भएको बताइएको छ ।
भारतबाट ल्याएको पटकामा शक्तिशाली बारुद भरिएको बताइएको छ । उक्त पटाका बम पड्काउँदा बनौली–४ का रामनरेश मण्डलको दुवै हात काम नलाग्ने गरी पोलेको कुरा स्थानीयवासीले बताएका छन् ।
गत आइतबार राति भारतको मधवापुरबाट ल्याएको पटाका बम पड्काउँदा उनको दुवै हात नराम्ररी पोलेको बताइएको छ । पटाकाले मण्डलको दुवै हात पोल्नुका साथै औँलाहरु हातबाट अलग भएको बताइएको छ ।
यस घटनामा घाइते भएका मण्डललाई आवश्यक उपचारका लागि अञ्चल अस्पताल जनकपुरमा लगिएको बताइएको छ ।
भिडियो हेर्न तल क्लिक गर्नुहोस
|
0 comments
Write Down Your Responses