काठमाण्डौं मै बोक्सिको नाममा यातना

२० साउन, काठमाण्डौं । राजधानीमै श्रीमानले श्रीमतीलाई बोक्सीको आरोपमा यातना दिएका छन् । यातना दिने श्रीमान विश्व शाक्यसहित तीनजनालाई प्रहरीले पक्राउ गरेको छ । आफूमाथि बोक्सीको आरोपमा पटक पटक कुटपिट भएपछि पीडितले प्रहरीमा उजुरी गरेकी थिइन् । सोही उजुरीका आधारमा महानगरीय प्रहरी वृत बालाजुले महिलाका श्रीमान् विश्वसहित उनकी दिदी तुलसी र बहिनी चम्पालाई पक्राउ गरेको हो ।

स्वयम्भूमा पसल गरी बस्ने शाक्य परिवारमा विश्वकी श्रीमती बोक्सी भएको भन्दै पटक पटक झगडा हुँदै आउको थियो । सोही विषयलाई लिएर शुक्रबार विश्वसहितका परिवारका अन्य सदस्यले महिलालाई कुटपिट गरी घाइते बनाएको नयाँ पत्रिकामा खबर छ । बालाजु वृत्तकी डिएसपी गंगा पन्तले बोक्सीको आरोपमा कुटपिट गरेको उजुरीका आधारमा पक्राउ गरेर अनुसन्धान गरिरहेको जानकारी दिइन् ।