१३ साउन, काठमाडौं । साफ यू-१६ च्याम्पियनसिप फुटबलको उपाधिका लागि नेपालले भारतको समना गर्ने भएको छ । आइतबार भएको दोस्रो सेमिफाइनलमा अफगानिस्तानलाई टाइब्रेकरमा ४-३ ले पराजित गर्दै भारतले नेपालसँगको उपाधि भिडन्त पक्का गरेको हो । नेपाल भने बंगलादेशलाई ५-१ ले पराजित गर्दै यसअघि नै फाइनल प्रवेश गरिसकेको छ ।

त्रिपुरेश्वरस्थित दशरथ रंगशालामा भएको खेलको निर्धारित समय गोलरहित बराबरीमा सकिएको थियो । टाइब्रेकरमा भारतका कृष्ण पन्डितले बाहिर हाने भने अफगानिस्तानका सहिद र रिहाजीले गोल गर्न सकेनन् र भारत ४-३ ले विजयी भयो ।