बसले ट्रकलाई ठक्कर दिँदा १३ घाइते

२१ असार, रौतहट । पुर्व पश्चिम राजमार्ग अन्र्तगत रौतहटको चन्द्रनिगाहपुरको लमाहा जंगलमा आज बिहान भएको सवारी दुर्घटनामा १३ जना घाइते भएका छन् । यात्रुबाहक बसले मालबाहक ट्रकलाइ ठक्कर दिदा बसमा सवार यात्रु घाइेत भएका हुन् ।

घाइते मध्ये दुइ जनाको अवस्था गम्भिर रहेको छ । गम्भिर घाइते हुनेहरुमा सप्तरीको औरही ७ का २५ वर्षका श्रवण राम र सिराहाको सहबाज ८ का १३ वर्षका महम्दीन युनुष छन् । उनीहरुको थप उपचारका लागि चितवनको भरतपुर अस्पताल पठाइएको छ भने अन्य ११ जनाको चन्द्रनिगाहपुर स्थित प्राथमिक स्वास्थ्य केन्द्रमा उपचार भइरहेको छ।

बाराको निजगढबाट गिट्टी लिएर भारत तर्फ जाँदै गरेको बी आर ०३ जी १३१९ नम्बरको ट्रकलाइ काठमाण्डौबाट पुर्व तर्फ जाँदै गरेको ना ४ ख ६०७० नम्बरको बसले पछाडिबाट ठक्कर दिदा दुर्घटना भएको हो । बस र ट्रकको चालक फरार रहेको इलाका प्रहरी कार्यालय चन्द्रनिगाहपुरका प्रहरी नायव उपरिक्षक ध्रुबराज राउतले जानकारी दिनु भयो ।