आज मिति २०७० साउन १ गते मंगलबार । राजधानीबाट प्रकाशित आजका दैनिक पत्रिकाले आधा करोड मतदाता घटेको खबरलाई प्राथमिकताका साथ छापेका छन् ।

कान्तिपुर दैनिकले नागरिकता बिना मतदाता परिचयपत्र रोक्न दिएको आदेशलाई मुख्य रुपमा छापेको छ । नागरिक दैनिकले एक साताभित्रै संवैधानिक नियुक्ति हुने खबरलाई मुख्य बनाएको छ ।

रेग्मीलाई दीर्घकालीन प्रकृतिका निर्णय नगर्न शीर्ष दलका नेताहरुले शुझाव दिएको खबरलाई राजधानी दैनिकले मुख्य रुपमा छापेको छ भने चीनले छिमेकीलाई हस्तक्षेप गर्दैनौ भनेको खबर अन्नपूर्ण पोष्टले प्रमुखताका साथ छापेको छ ।