१३ साउन, काठमाण्डौं । आत्महत्याको घटना नेपालमा डरलाग्दो रुपमा बढ्न थालेको छ । नेपाल प्रहरीको तथ्यांक अनुसार एक दिनमा ११ जना नेपालीले आत्महत्या गर्ने गरेका छन् ।

प्रहरी प्रधान कार्यालयका अनुसार आर्थिक वर्ष ०६९/७० मा देशभर तीन हजार नौ सय ७४ जनाले आत्महत्या गरेका छन् । यो तथ्यांकले एक दिनमा ११ जना नेपालीले आत्महत्या गर्ने गरेको प्रहरी अधिकारी बताउँछन् । उनीहरुका अनुसार आत्महत्याका कतिपय घटना प्रहरीसम्म नआईपुग्ने भएकाले यो संख्या अझ धेरै रहेको छ ।

०६८/७० मा आत्महत्याको दर अघिल्लो बर्षकै हाराहारीमा छ । ०६८/६९ मा तीन हजार नौसय ७७ जनाले आत्महत्या गरेको नयाँ पत्रिकामा खबर छ ।

मानिसले आत्महत्या गर्नुको कारण डिप्रेसन नै भएको मनोविद डा. सरोज धितालको भनाई छ । ‘धेरै तनाव सहन नसक्ने क्षमताका कारण मानिसहरु आवेगमा आई आत्महत्या गर्ने गर्दछन्,’ धितालको भनाई छ । त्यस्तै आर्थिक समस्या पनि महत्वपूर्ण कारण रहेको उहाँको भनाई छ ।