मोटरसाइकल सहित चोर समूह पक्राउ

विराटनगर, ३ असार । विराटनगरका विभिन्न स्थानबाट मोटरसाइकल चोरी गर्ने एक भारतीयसहित तीन जनाको समूहलाई प्रहरीले चोरीको मोटरसाइकल सहित आज यहाँ पक्राउ गरेको छ ।



जिल्ला प्रहरी कार्यालय मोरङका अनुसार पक्राउ पर्नेमा भारत जोगवनी–१९ नेताचौक बस्ने भारतीय नागरिक रन्दरकुमार रजक, विराटनगर–१७ का सुनिलराय पटेल, विराटनगर–११ अशोक चौकका नुमान खान र मोरङ नोचा गाविस–८ का बब्लु मण्डल रहेका छन् ।

उनीहरुको साथबाट विराटनगर–१० स्थित नापी कार्यालय परिसरबाट जेठ ३१ गते चोरी गरिएको को३प २१०५ कोे मोटरसाइकलसमेत प्रहरीले बरामद गरेको छ ।

निजहरुले विराटनगरका विभिन्न स्थानबाट मोटरसाइकल चोरी गरी भारत पु¥यारु बिक्री गर्ने गरेको मोरङका प्रहरी नायब उपरीक्षक दीपक पोखरेलले बताउनुभयो । रासस