यस्ता छन् बोष्टन म्याराथनमा बम पड्काउनेहरु

बोष्टन, वैशाख ६ (एजेन्सी) - अमेरिकाको संघीय जाँच व्युरो (एफबीआई) ले हिजो गरेको पत्रकार सम्मेलनमा चारदिनअघि बोस्टन म्याराथनमा भएको बम विष्फोटनमा संलग्न रहेको आशंकामा २ जनाको तस्बिर सार्वजनिक गरेको छ ।



सार्वजनिक गरिएको फोटोमा म्याराथन भएको दिन अप्रिल १५ तारिखमामा अभियुक्तहरु झोला बोकेर म्यारथनकै रुटमा हिँडिरहेका देखिएको छ । संघीय जाँच व्युरोले ती अभियुक्तलाई खोजी गरिरहेको छ । बम बिष्फोटमा ३ जनाको ज्यान गएको थियो भने १ सय जना भन्दा बढी मानिस घाइते भएका थिए ।


अभियुक्त खोजी गर्न एफबीआइले सर्वसाधरणको सहयोग आवश्यक रहेको जनाएको छ । एफबीआईका एजेन्ट इन्चार्ज रिचार्ड डेस्लाउरियर्सले भनेका छन्, 'सूचना यति सानो छ जुन हाम्रा लागि पर्याप्त छैन।'

सबै तस्बिरहरु एएफपी
Source:Nagariknews