‘‘राष्ट्रपतिका भतिजा पनि खोरमा’’
भदौ, ११ काठमाडौ - अख्तियार दुरूपयोग अनुसन्धान आयोगमा प्रमुख आयुक्त हुँदा लोमानसिंह कार्कीमाथी अनेकन टिप्पणी भए । तर, पदमा पुगेपछी ती सबै टीकाटिप्पणी र आशंकालाइ मेटिने गरी कामबाटै जवाफ दिन थालेका छन्, कार्कीले । ठूला शक्तिकेन्द्रका आडमा रहेका र उनलाई नियुक्तमा सघाएकाहरू समेत अहिले धमाधम अख्तियारको फन्दामा पर्न थालेपछी कार्कीको निर्भिकता र निरपेक्षताबारे चर्चा सुरू हुन थालेको छ ।‘
‘बयानका लागी अख्तियार पुगेका नोबेल मेडिकल कलेजका सुनील शर्माले प्रचण्ड र बाबरामको ध्वाँस दिन थालेपछी उनीमाथी थुनेरै कारबाही चलाइएको छ । कुनै बेला गिरिजाप्रसाद निकट रहेका शर्मा पछिल्लोपटक प्रचण्डनिकट बन्न पुगेका थिए । अहिले राष्ट्रपतिका भतिजा नै अख्तियारको नियन्त्रणमा छन् । नेपाल विद्युत प्राधिकारणका प्रबन्धक पदमा रहेका सिन्धु यादव राष्ट्रपति यादवका भतिजा हुन् । कार्यकारी निर्देशक रामेश्वर यादव पनि पहुँचवाला व्यक्ति भएकाले नै त्यस पदमा पुगेका थिए । त्यस्तै, रामेश्वर यादव पनि कांग्रेस नेतृ चित्रलेखा यादवका भाई हुन् ।‘
‘यसरी भ्रष्टाचारमा शक्तिकेन्द्रकै नातेदारहरू धमाधम पक्राउ पर्न थालेपछी 'प्रेसर' नहोस् भनेर कार्कीले मोबाइल समेत बोक्न छाडेका छन् भणे निवासको फोनमा समेत कसैसँग सम्पर्क राख्ने गरेका छैनन् । ‘
‘आफूनिकट व्यक्तिमाथीको कारबाही रोक्न थुप्रै शक्तिकेन्द्रले प्रयास जारी राखेपनि कार्कीले ती दवावको वास्ता नगरी निर्भयतापूर्वक छानविन अगाडि बढाउन अनुसन्धान अधिकृतहरूलाई निर्देशन दिएको स्रोतको भनाई छ । त्यसैले अख्तियारका कर्मचारीहरूको मनोबल पनि कार्की आएपछी उच्च रहेको एक अधिकारीको भनाई छ ।‘
‘अख्तियारले धेरै जनताको प्रत्यक्ष सरोकार रहेका कार्यालय र सरकारी सेवामाथी निगरानी बढाएको समाचार आजको दृष्टी साप्ताहिकले प्रकाशित गरेको छ । यसले कानुनी राज्यको प्रत्याभूती दिलाउन समेत अख्तियार सफल बन्दै गएको देखाउँछ ।‘
0 comments
Write Down Your Responses